Base sa report it Department of Health VI, gin-eampasan it probinsiya it Antique ro andang target inoculation sa Bayanihan Bakunahan o ro National Vaccination days halin Nobyembre 29 hasta Disyembre 1.
Nauna dikara, nagtaeana ro probinsiya it 15,000 target inoculations kada adlaw sa sueod it yatlong adlaw pero nakapagbakuna ro probinsiya it kabieogan nga 51,150 residente.
Kaangut dikara, ro Antique hay nagapangywa sa may pinkamadinalag-on nga paglunsar it pagbakuna base sa target population.
Agud mapabaskog pa ro kampanya sa pagbakuna, ro meain-eain nga mga LGUs hay naglunsar man it maeain-eain nga mga estratehiya agud mas maabong mga residente ro mabakunahan kapreho eun eang sa paglunsar it mobile vaccination caravan ag house to house vaccination./JIL B. LACSON
