Ro ginhimo nga air strike it militar sa Barangay Alimodias, Miag-ao, Iloilo ku Disyembre 1 hay gin-eapas ro international humanitarian law, bangud sa uwa it kaeo-oy nga pagpatay sa mga indibidwal, base sa human rights alliance it Karapatan-Panay.
Matandaan nga target it nasambitan nga air strike ro mga ginadudahan nga miyembro it New People’s Army (NPA).
Base sa pahayag it Karapatan-Panay, ro natabo hay nagresulta sa madugo nga patayan nga may mga mutilated nga eawas nga nagkaeat.
Gintaw-an man nanda it bug-at nga ro humanitarian law hay nagabawae sa mga indiscriminate actions nga pwedeng maging rason it pagkalisod sa mga sibilyan ag makatuga it kasamaran sa palibot.
Dugan gpa it grupo ro andang panawagan sa gobyerno hay pagataw-an it solusyon ro ugat it problema para epektibo nga matapna ro insurgency sa Pilipinas./JIL B. LACSON
