Pinagpapaliwanag ng National Task Force Against COVID-19 ang ilang mga Local Government Units matapos mapaulat na may ilang mga bakuna ang hindi nagamit at tuluyang nag-expire.
Ayon kay NTF medical adviser Dr. Ted Herbosa ang mga bakuna ay bahagi ng 1.5 million Astrazeneca vaccine na donasyon sa Pilipinas at dumating noong Oktubre.
Nilinaw naman ni Herbosa na karamihan sa bakuna ay naiturok bago mag-expire subalit may ilang daan na hindi na-gamit bago ang November 30 na expiration date.
Nakatakda umanong padalhan ng show cause order ang mga lokal na pamahalaan kung saan nasayang ang mga bakuna.
Dapat ipaliwanag ng mga LGUs kung bakit hindi naiturok ang mga COVID-19 vaccines bago mag-expire gayong matagumpay naman itong naibakuna ng ilang mga bayan na nabigyan ng kaparehong batch ng vaccine.
