ILOILO – Nakalista ro Iloilo Provincial Health Office it 91 kaso it Leptospirosis sa probinsiya halin it Enero hasta Oktubre 30, 2021.
Sa nasambit nga numero, 11 ro namatay samtang 80 ro nakarekober.
Base sa datus it PHO, nanguna ro Janiuay nga may pinakamaabung kaso nga umabot sa 11.
Ro 91 kaso makarung dag-on hay mas mataas sa 29 nga kaso nga nailista it nagtaliwan nga dag-on.
Nagapakita sa datus it PHO nga 214% ro gintaas it kaso makarung 2021. / ANN DESLENE SALAZAR
