Nag-angkon it mga nina sa kaeawasan ro sangka eaeaki matapos rayang bun-on it sangka hilong sa Brgy. Aranas, Balete, Aklan.
Ginkilaea ro biktimang si Joolito Nerbiol 44yo samtang ro suspek hay ginkilaea nga si Kian Gabino 18yo ag parehung mga residente sa lugar.
Sa report, naga inuman ro biktima ag ro kaibahan kara nga si Norberto Vacnot 27yo kat gulpi nga nagpaeapit ro suspek ag nakipagdiskusyun kay Vacnot.
Alegasyon it suspek nga ginainsulto imaw ni Vacnot rasun nga umuli raya ag nagbuoe it kutsilyo.
Owa segun naabtan it suspek si Vacnot rasun nga ginbalingan kara it buno ro biktimang si Nerbiol.
Boluntaryo man nga nagsurender sa Balete PNP ro suspek nga posibleng magpangatubang it kaso. / ANN DESLENE SALAZAR
