Tungod sa kabalaka ug dili na subling mausab pa ang nahitabong pag-ikyas sa usa ka sawa (halas) sa Balintong, Barangay Central, Mati City, nagpahimangno ang City Disaster Risk Reduction Management Office sa tag-iya sa sawang halas nga mukuha og permit sa maong binuhi aron dili na subling mahitabo pa ang pagkamang niini sa usa ka panimalay sa nahisgutang lugar.
Kahinumdoman nga nagkagulyang ang panimalay ni Baby Camilo human nga mikalit og tumaw gikan sa ilang kisame ang dakong sawang gipanag-iyahan sa usa ka Toto Rosal pasado alas 3 sa kadlawon. Una ng gibutyag sa tag-iya nga naka eskapo ang iyang binuhing halas sa kulungan niini.
Hinuon, mipasalig ang tag-iya niini nga mukuha og permit aron dili na subling mausab pa ang maong panghitabo sanglit una na sab nga nagpasida-an ang otoridad nga ibalik kini saiyang natural habitat.
