KORONADAL CITY- INILUNSAD ng Arts, Culture, Tourism and Museum (ACTM) Unit ng South Cotabato ang taunang RACE to 11 Eco-Challenge na gaganapin sa November 11 sa bayan ng Lake Sebu kasabay ng pagdiriwang ng Helobung festival sa nasabing bayan.
Ayon kay ACTM Tourism Operations Officer Francisco Cerbo na ito ay lalahukan ng mga partisipante mula sa 11 mga local government units na maglalaban-laban sa iba’t ibang mga aktibidad mula sa kanilang mga munisipyo hanggang sa finish line sa Barangay Poblacion, lake Sebu.
Kabilang sa mga hamon na haharapin ng mga ito ay ang running, trekking, canoeing, obstacle course, tree-planting, fishing, cooking at iba pang challenges.
Ang mananalo dito ay makakatanggap ng cash incentive at certificates.
