Sambilog ka 59 anyos nga ginkieaea eamang bilang si “Ka Abing” hay sambilog ka miyembro ag cook it Communist Party of the Philippines – New People’s Army (CPP-NPA) ro nagsurrender sa mga kapulisan it Capiz.
Napagdesisyunan nana nga magsurrender bangud sa anang kagueangan ag kalisdanan nga naagyan sa kilusan.
Ku nagtaliwan nga buean, nagpangayo it permiso si Ka Abing sa anang kumander nga magbakasyon, gingamit nana ro chansa agud nga makapalagiw.
Nagsurrender raya sa Philippine Army 12th Infantry Battalion headquarters sa Camp Carreon Calinog, Iloilo ku Setyembre 26.
Nakaeakip sa periodic status report (PSR) it Philippine National Police si Ka Abing bilang katapo it Squad 2, Platoon 2, Front 14 it Komiteng Rehiyon Panay (KR-P).
Base sa mga report, may mga outsanding warrant si Ka Abing ag nagapangatubang raya sa eight counts of attempted murder ag pageapas sa Republic Act (RA) 9516 o Unlawful Possession of Explosives dahil segun sa partisipasyon nana sa ambush nga natabo ku Oct. 7, 2013.
Sa presente, si Ka Abing hay sa kustodiya it Tapaz police./JIL B. LACSON
