Napanatili ng Tropical Depression Maring ang lakas nito habang kumikilos papuntang Philippine Sea.
Sa huling forecast ng PAGASA, huling namataan ang sentro ng tropical depression sa 715 kilometers east ng Catarman, Northern Samar o 640 km east northeast ng Borongan City, Eastern Samar, dala ang lakas na hangin na 55 kph malapit sa gitna at pagbugsong umaabot sa 70 kph.
Kaugnay nito, ang Bicol Region, Eastern Visayas, Caraga, Cebu, at Bohol ay makakaranas ng mahina hanggang sa katamtaman na kung minsa’y malakas na ulan dahil sa trough ng Maring.
Samantala, mahina hanggang sa katamtaman na kung minsa’y malakas na ulan naman ang magsisimulang makaapekto sa Occidental Mindoro, Palawan, at ibang bahagi ng Visayas ngayong araw, sa gitna na pinaiigting ang southwesterlies ng depression sa central portion ng bansa.
