Nagkabali-bali ang halos tanang parte sa usa ka aerial spray plane human kini nahagsa sa kasagingan nga bahin sa utlanan sa Lower Maubog Tibagon, Pantukan ug Mabini sa Davao de Oro pasado alas sais kagahapon sa buntag.
Subay sa report gikan sa Mabini Municipal Police Station, nawad-an og power ang makina ug nasangit sa kahoy hangtod nga nawad-an og kontrol ang piloto ug nahagsa.
Giila ang piloto nga si Lucas Seromines nga anaa ra sa luwas nga kahimtang gawas na lamang sa naangkon nga mga gagmayng samad.
Nagpadayon ang gihimong imbistigasyon sa otoridad kauban sa Civil Aviation Authority of the Philippines kalabot sa maong insedente. BNFM-DAVAO
