Nakabaton ro lokal nga gobyerno it 500 doses it Sputnik V vaccine halin sa Department of Health (DOH).
Pagagamiton raya makarang adlaw, Setyembre 22, para iturok sa mga indibidwal nga nabakunahan it una nga dose it nasambitan nga bakuna ku una nga dominggo it Hulyo.
Base kay Dr. Marie Jocelyn Te, medical officer it Department of Health – Region 6, naimpormahan eun ro DOH central office kaangut sa sitwasyon sa kakulangan it Sputnik vaccine sa probinsya.
Ginhambae nana nga ro interval sa tunga it pagpabakuna sa pangaywang dose it Sputnik V hay an-um ka buean./JIL B. LACSON
