Base sa pinakaulihi nga report it City Epidemiology and Surveillance Unit (CESU) nagaabot eun sa baynte dos nga mga kaso it COVID-19 Delta virus ang narekord sa siyudad it Iloilo.
Sa ginpaguwa nga sequence result it Department of Health Epidemiology Bureau kahapon eamang, nadugangan it pito ka mga kaso it mga indibidwal nga gintamaan it nasambitan nga variant.
Matandaan nga nauna eun nga narekord sa Iloilo City ro kinse nga mga kaso it COVID-19 Delta Variant.
Sa pito ka mga kaso, an-um ro naka-recover samtang sambilog ro active case ag fully vaccinated eun kuntra sa COVID-19.
Sa presente, naka-quarantine it 14 adlaw ro pito ka mga gintamaan it virus. Magahiwat man it re-swabbing ag kung magpositibo, magapaidaeom uman sanda sa quarantine. Samtang, paguwa-on man sa pasilidad kung magiging negatibo sanda./JIL B. LACSON
