Tanggong na sa prioshan sa Nasipit Municipal Police Station ang kanhi rebelde human gikiha sa pagpanglugos.
Ang dinakpan nailang si Qunie June Bago Lariosa, 26 anyos, ulitawo, kanhi rebelde, nagpuyo sa District 9, Hundayan, Barangay Camagong, lungsod sa Nasipit, Agusan del Norte.
Sumala ni Police Colonel Martin Gamba, ang Provincial Director sa Police Provincial Office (PPO) Agusan del Norte, si Lariosa gi-akusahan nga katulo nanglugos sa managlahing petsa.
Unang pagpanglugos, nahitabo matod pa adtong Abril 6, 2021 pasado alas – 12:00 sa tungang gabii; ikaduha, Abril 16, 2021 alas – 9:00 sa gabii; ug ikatulo, Abril 29, 2021 pasado alas – 12:00 sa tungang gabii.
Kasamtangan, atubangon na sa dinakpan ang kasong gisang-at batok kaniya.
