Naniniwala si Senator Panfilo Lacson na “worthless” lang kung maghahain ng quo warranto petition laban kay Lieutenant General Antonio Parlade Jr. kaugnay sa kanyang designation bilang tagapagsalita ng National Task Force to End Local Communist Armed Conflict (NTF-ELCAC).
Giit ni Lacson, mas mabuting maghintay nalang sa desisyon ng NTF-ELCAC at Department of National Defense kaugnay sa magiging kapalaran ni Paralde.
Paliwanag ng senador, malapit nang magretiro kasi si Parlade, kaya walang saysay lang din ang petisyon.
Una nang sinabi ni National Security Adviser at vice chairperson ng NTF-ELCAC Hermogenes Esperon na mananatili si Parlade at Undersecretary Lorraine Badoy sa kanilang pwesto bilang tagapagsalita ng task force, bagama’t pag-aaralan umano nito ang panawagan ng mga senador laban sa dalawang opisyal. // MHEL PACIA
