Agaw atensyon Nag viral makaron sa social media ru tricycle nga may side car nga himo sa botong sa Brgy. Lapak, La Castellana, Negros Occidental.
Sa gin-upload nga video it FB user nga si Dokbu Oiradneced, nag buoe it anang attention ru sangka klase nga tricycle nga gina panag-iyahan ni Oliver Lapas, residente it nasambit nga lugar.
Suno pa sa uploader, uwa gid nana gina-ekspektaha nga makakita it kapares nga klase’t tricycle rason nag maskin imaw hay na-ingganyo nga magsakay.
Makit-an nga gin-uyangan it tiempo it tag-ana ru tricycle agud nga maka himo it manami nga desinyo nga sarang maka-akumodar it indi magnaba sa 10 ka mga pasahero.
Umpisa nga gin-upload ru nasambit nga video ku Agosto 19, 2021, masobra eon sa 41, 000 ru nag-share; 25, 000 ru mga nag- react samtang masobra sa 1, 000, 000 ru views.//MARIVIC Y. ILIN
