Nagpabilin nga haom ang gipatuman nga quarantine status dinhe sa Northern Mindanao.
Kini ang gibutyag ni Northern Mindanao Medical Center Liaison Officer Dr. Bernard Julius Rocha homan gi-anunsyo ni Pres. Rodrigo Duterte nga magpabilin sa MGCQ o Modified General Community Quarantine ang rehiyon gawas sa Iligan City nga anaa sa GCQ.
Gipasabot niini nga napabilin ang maong klasipikasyon tungod “manageable” ang sitwasyon sa COVID-19 sa rehiyon.
Hinuon gidugang ni Dr. Rocha nga bisan og MGCQ ang Northern Mindanao, daghan pa ang mamahimo nga mahitabo tungod padayon ang pagtaas sa kaso sa virus.
