KALIBO, AKLAN—Pitong banwa eon sa probinsya it Aklan do nagapatuman it “No Movement Sunday”.
Raya hay ginaeakipan it mga kabanwahanan it Banga, Libacao, Malinao, Tangalan, Ibajay, Numancia ag Altavas.
Do nasambit nga tikang it mga LGU’s hay para nga malimitahan do pagguwa it mga residente sa nasambit nga adlaw agud nga makabulig nga indi eon magsaka do mga numero it natapnan it COVID-19.
Sa pihak nga parte, do banwa mat-a it Madalag hay ginapatuman do “No Movement Saturday” samtang do kabisera it Aklan nga banwa it Kalibo hay padayon pa nga gina-istudyuhan kung ipatuman man do nasambit nga tikang. // SHERRY ANNE REUNIR-VIDAL
