HINGPIT nang giila isip drug cleared ang 10 ka barangay sa Don Marcelino, Davao Occidental human kini gideklara sa Regional Oversight Committee Barangay Drug Clearing Program (ROCBDC) sa PDEA Region XI sa Manpower Building, Municipal Hall, Barangay Kinanga, Don Marcelino, Davao Occidental.
Ang napulo ka barangay gipailawum sa hugot nga validation subay sa mga parametro nga gitakda sa Dangerous Drugs Board Regulation Number 3, Series of 2017 ug PDEA Memorandum Circular Number 2020-041.
Gilangkuban kini sa mga barangay sa Baluntaya, Dalupan, Kiobog, Linadasan, Lapuan, Lawa, Mabuhay, North Lamidan, Nueva Villa ug West Lamidan.
Nanguna sa deklarasyon si PDEA-XI ug Regional Director sa nga si Dir. Aillen Lovitos, kaubang ang mga representante gikan sa Department of Interior and Local Government i Vice-Chairperson, Police Regional Office XI, ug Department of Health. NIsalmot usab sa aktibidad silang Don Marcelino Mayor Michael A Maruya, Barangay Anti-Drug Abuse Council (BADAC) Members ug mga opisyales sa Barangay gikan sa napulo ka barangay.
