Gikomperma sa liderato sa Land Transportation Franchising and Regulatory Board (LTFRB) Caraga nga suble nilang ibalik ang Libreng Sakay sunod bulan.
Sumala ni Eldie David sa LTFRB Caraga, posible nga sa una o kaha ikaduhang semana, magsugod ang ikaduhang hugna sa Libreng Sakay.
Bugtong gihulat na lamang sa rehiyonal nga buhatan mao ang guidelines sa maong programa.
Di pa usab masuta kun pila ka mga drayber ang maka-avail sa maong programa nga ipatuman sa rehiyonal nga buhatan.
Hisayran nga sa unang hugna sa LIbreng Sakay, mokabat sa 2,000 ka mga drayber dinhe sa rehiyon ang nakapahimulos niini.
