GISAWAY sa katawhan ang mga basura nga nagtapun-og sa may Misamis Occidental Provincial Hospital , tungod kay imbes magpakabana ang mga hingtungdan niini mas nagkadaghan man hinuon ang mga hugaw nga natapok.
Kini ang gimolo sa mga katawhan, ingon mga dumadalaw, pasyente,og kawani sa maong lugar, tungod kay nagpasamot kini og hatag sa sakit sa mga katawhan nga naduol niini, og delikado kaayo kini sa panglawas sa kadaghanan.
Samtang, sa gihimong pakigsusi sa Brigada Oroquieta sa naasoy nga balay tambalanan, matud pa sa nahinabi nga usa sa mga personahe sa hospital, wala pa kini malabay, tungod sa problemang wala’y igong luna nga pagabutangan sa mga basura, diin kapin 1 ka tuiga kon kulang na kining wala malabay hinungdan nga midaghan pa kini.
Nanghinaot usab ang pipila ka mga trabahante nga maaksyonan na dayon kini sa mga kadagkuan, aron walay kabalaka sa mga posibling epekto niini sa ilang panglawas.-BNFM Oroquieta
