TAKDA nang bakunahan kontra Covid-19 ang mga trabahante sa Makar Wharf sa Barangay Labangal, GenSan. Kini dungan sa pag-abot sa 200 vials sa AstraZeneca vaccine nga napalitan sa International Container Terminal Services, Inc.
Alang sa mga trabahante sa South Cotabato Integrated Port Services, Inc. (SCIPSI). Ang SCIPSI ang direktang nakapalit og bakuna ngadto sa manufacturer bisan paman niini ang sakop sa Health authority sa GenSa ang maoy mohimo sa pagbakuna.
Una nang, nakapalit og liboan ka vials sa Sinovac vaccine ang mga sakop sa Filipino- Chinese Chamber of Commerce ug gibakuna sa mga empleyado sa kompanya nga ilawom sa organisasyon.
Nagpasalamat ang LGU sa mga kompanya ug organisasyon sa dakbayan sa pagtabang sa vaccination drive aron makab-ot ang population protection batok Covid-19. ( Richel Gubalani)
