Kapin usa ka libong tonelada sa mag basura ang nakolekta sa mga sakop sa Coast Guard District of Southeastern Mindanao (CGDSEM) atol sa gipahigayong clean up drive sa coastal area sa Tagum City sa milabayng July 25, 2021.
Sa pahayag ni CG Commodore Allan Corpuz, CGDSEM Commander kagahapon, lakop sa misyon sa ilang hut-ong ang ipabilin nga limpyo ug luwas ang marine environment alang sa mas abunda nga marine resources sa Davao region.
Ang coastal clean gilusad sa coastal area sa Hijo Resources Corporation (HRC) sa pagpanguna sa Coast Guard kauban ang HRC, Junior Chamber International (JCI) Kadayawan, Royal Davao Eagles Club (RDEC), PENRO Davao del Norte, Perfect Milling Coporations, Vapurr, ug City Environmental and Natural Resources Office Tagum City.
Gawas sa clean up drive, gitanum usab sa mga partisipantes ang 800 ka mangroves sa upat ka ektaryang luna.
Kahibaluang dunay parte sa maong baybayon ang gilaraw nga himoong diving spot nga mamahimo unyang ablihan alang sa mga turista nga mobisita sa Davao del Norte.
