Maagang ipinakalat ng Armed Forces of the Philippines (AFP) ang kanilang Search, Rescue and Retrieval teams kasunod nang inaasahang epekto ng Bagyong #MarcePH.
Ayon kay AFP Chief of Staff Gen. Romeo Brawner Jr, sa katunayan nasa 305 na Search, Rescue and Retrieval teams na ang naka-deploy sa Northern Luzon.
Maliban dito, naka-preposition na rin ang kanilang airlift capabilities tulad ng mga C130 planes na nakahandang magdala ng mga relief goods.
Mayroon ding 7 black hawk helicopters na naka standby na syang magdadala ng ayuda sa mga lugar na hirap mapuntahan.
Samantala, habang pinaghahandaan ang pagtama ng bagyong Marce, tuloy tuloy ang Sandatahang lakas sa pagsasagawa ng Humanitarian Assistance and Disaster Responce Operations sa mga lugar na hinagupit ng nagdaang bagyong Kristine at Leon.
Sa katunayan, tutulak ang 2 barko ng Philippine Navy sa Basco, Batanes upang magdala ng mga food at non food items na biktima ng nagdaang mga bagyo.
