Patay ang isang menor de edad dahil umano sa pagkain ng karne ng aso sa New Corella, Davao de Oro.
Ayon sa Rural Health Unit (RHU) ng nasabing lungsod, posibleng naapektuhan ng rabies ang biktima mula sa kinain nito, na agad nitong ikinamatay.
Sa ngayon, nagsasagawa na ng contact tracing ang RHU sa mga kasamang kumain ng biktima.
Hindi naman naniniwala ang mga magulang ng 15-anyos na biktima na rabies ang ikinamatay nito at sinasabi nilang impeksiyon sa kidney ito, lalo na’t marami silang kumain ng nasabing karne.
