Napag-alaman ng National Bureau of Investigation (NBI) na tila bumubuo na umano ng residential areas ang mga grupong sangkot sa Philippine Offshore Gaming Operators (POGOs) upang patuloy pa ring makapag-operate.
Ayon kay NBI Director Jimmy Santiago, bumubuo umano ang mga malalaking POGO ng maliliit na grupo bago ito umupa ng residential units o apartments, para hindi mahalata na POGO at makapagpatuloy pa rin ang kanilang operasyon.
Sa kasalukuyan, patuloy pa ring hinihimok ng mga otoridad ang mga foreign POGO workers na magdowngrade na ng kanilang visa dahil ayon sa direktiba ni Pangulong Ferdinand Marcos Jr. mayroon na lamang silang hanggang katapusan ng taon para umalis ng bansa.
