NAGAPAHIGAYON og information dessimination ang PNP Regional Maritime Group sa mga coastal barangay kalabot sa gipahugot nga pagbantay sa kadagatan tungod sa bahad sa Delta variant sa COVID-19 gikan sa silingang nasud sa Indonesia
Segun ni Police Lt.Col.Cunanan sa PNP Regional Maritime Group nga padayun ang ilang hugot nga seaborne patrol sukad niadtong miaging bulan.
Ang Balut Island nga usa sa duol nga isla nga mahimong kalutsan gikan sa Indonesia, may gihimo na nga pakig-alayun ang PNP Maritime sa mga coastal barangay ug gi-activate na ang Coastal Barangay Intelligence Network sa tibuok region-12.
Peligroso matud pa ni Cunanan nga makasulod ang Delta variant tungod paspas makatakod.
Hangyo ni Cunanan sa mga nagpuyo duol sa baybayun, tungod gamay lang ang personahe sa PNP Maritime, nga ugaling may makita nga mudunggo nga bangkang depasaheruan, i-report sa ilang city o provincial health office aron masuta.
