Gikumpirma kagahapong adlawa sa mga health officials sa Sto. Tomas, Davao del Norte nga kuntaminado sa E. Coli bacteria ang water system ug water stocks sa refilling stations sa Brgy Tulalian, Sto Tomas.
Sumala ni Dr. June P. Lim, health officer sa Sto. Tomas, nigawas sa eksaminasyon nga gihimo sa water bacteriology laboratory sa Provincial Health Office ang presensya sa E coli sa water system ug sa water stocks sa duha sa walo ka mga refillling stations.
Ang 6 ka refilling stations nga nakapasar sa test ang Aquabless, Aqua Rhabmar, Crystal Sofia, Aquagel, AquaJam, ug sofia Malima. Samtang ang duha nga nabagsak ang Aqua Grace ug Jetmatic.
Gitoohan nga ang mga water pipes sa TUWASA karaan na ug duna nay mga liki nga malagmit maoy hinungdan nga na contaminate ang water supply. Gawas sa e coli, lainlaing bacteria ang nakaplagan sa specimens sama sa vibrio cholerae, enterobacter chorelae, rhizobium radiobacter, aeronomas sobria, providencia alcalifaciens, aeromonas sobria, ug klebsilla pneumoniae. BNFM-Davao
