Nanawagan ang Commission on Human Rights (CHR) sa publiko na alisin ang stigma sa pagkalat ng mpox virus.
Ito ay matapos kumalat ang maling impormasyon na isa raw sexually transmitted disease ang sakit na mpox.
Ayon sa CHR, mahalagang iwasan ang diskriminasyon upang hindi makapinsala sa mga apektadong indibidwal at komunidad.
Binigyang-diin din ng CHR na ang mpox ay hindi dapat iugnay sa anumang gender identity o sexual orientation kung saan ang stigmatizing narratives ay naglilihis sa atensyon mula sa mga pangunahing isyu sa pampublikong kalusugan.
Kaugnay nito, nananawagan naman ang CHR para sa agarang pagpasa ng SOGIESC Equality Bill at Comprehensive Anti-Discrimination Bill.
