Nilinaw ng PHIVOLCS na normal lang ang mga naitatalang phreatic eruptions sa Bulkang Taal.
Sa panayam ng Brigada NewsFM Manila kay PHIVOLCS director Teresito Bacolcol – sinabi nitong hindi pa ito dahilan para itaas sa alert level 2 ang bulkan.
Tska pa lamang daw ito gagawin sa oras na mayroon nang paggalaw o activity sa magma nito.
Sa nakalipas na 24 oras – naitala ang tatlong phreatic eruption events.
Mayroon namang dalawang volcanic tremors; at naibugang 3,176 tonelada ng sulfur dioxide, at 2,400 metrong taas na plume.
