GISUTA na sa kapulisan ang posibleng “election areas of concern” halos duha ka semana bag-ong ang filing sa Certificate of Candidacy (COC) sa Oktubre. Matud ni Police Col. Nicomede Olaivar Jr., director sa General Santos City Police Office (GSCPO) naa na sila sa “election mode” karon.
Kini dungan sa pagpakanaog og mandu sa mismong PNP Chief Police Gen. Rommel Marbil kalabut niini.
Sutoan sa kapulisan gawas sa election areas of concern, lantawon kung dunay intense nga political rivalries.
Apan butyag ni Olaivar base sa history sa GenSan pila na ka eleksyon ang milabay wala silay natala nga areas of concern ug intense nga away sa pulitika.
Sa karon, gisugdan na nila ang coordination meeting kauban ang kasundalohan ug Commission on Election sa GenSan. I Richel Gubalani
