Umabot na sa 30 katao ang namatay sa sakit na leptospirosis sa Quezon, City.
Batay sa ulat ng Quezon City Epidemiology and Surveillance Unit, nasa 406 na ang kaso ng leptospirosis mula Enero hanggang Agosto 31, 2024.
Ang District 4 ang may pinakamaraming naitalang kaso na may 93, sumunod naman ang District 2 at District 1 na may 73.
Dahil dito, patuloy naman ang isinasagawang Health Awareness Campaign ng pamahalaang lungsod sa iba’t ibang komunidad para sa Leptospirosis, Dengue, at Mpox prevention.
Maliban dito, pinayuhan ang publiko na agad magpa-checkup sa mga health facility kung makakaranas ng mga sintomas ng mga naturang sakit.
