Ginkaalarma sang mga pumuluyo sa Brgy. Putian, Cuartero, Capiz ang naguwa nga balita nga ginahimo recruitment area sang mga rebelde nga grupo ang Putian National High School.
Suno kay Frank Beñales, Barangay Kagawad sang nasambit nga lugar, nakibot siya sa amo nga isyu bangud isa ini ka pagpakamalaot sa ila eskwelahan ilabi na sa ila barangay.
Dugang pa sini, hugot gid nila nga ginapanginwala ang alegasyon nga pugad sang mga rebelde nga grupo ang ila lugar bangud may yara na sang detachment area ang Philipine Army sa Putian kag kaiping nga mga barangay. | Judy Ann Juare
