Makakuha na sang serbisyong medikal ang mga pumuluyo nga naga-istar sa mga malayo nga kabaranggayan sa probinsya matapos nga ginturn-over na sa Capiz ang Mobile Diagnostic Clinic.
Ginalauman nga magalibot ang Mobile Diagnostic Clinic sa mga mga kabarangayan agud makacheck-up, maka-diagnose, kag maka-monitor sang mga health conditions sang mga pumuluyo.
Samtang, personal namam nga ginbaton nanday Provincial Administrator, Atty. Arthur John Biñas kag Provincial Health Office Head Dr. Alex Nolasco ang nasambitan nga behikolo gikan sa Department of Heath sang tinalikdan nga Agusto 5, 2024 sa Cebu City.| Frances Joy Preciosa
