Ni-raid ng mga awtoridad ang isang warehouse na umano’y nagsisilbing shabu lab sa bahagi ng Sitio Sagel, Brgy Pinol, Maitum, Sarangani Province.
Sa ulat ng Sarangani PNP, alas 8:30 ng umaga kahapon ng i-raid ang warehouse sa bisa ng Search Warrant .
Dito tumambad ang mga pinaniniwalaang illegal drugs equipment na ginagamit para makagawa ng iligal na droga.
Napag-alaman na ang bodega ay matatagpuan sa loob ng isang kampo na inaangkin ng MNLF.
Sa ngayon , patuloy ang malalalimang imbestigasyon ng mga awtoridad para mahuli ang lahat ng sangkot sa iligal na aktibidad kabilang ang isang Chinese national na umano’y nakitang nagpapabalik-balik sa warehouse.
