GIPIRMAHAN na ang P28 milyon purchase order contracts ug naghatagan na og notices of awards sa DSWD 12 ang 13 community-based organization sa rehiyon aron mahimong supplier sa ilang supplemental feeding program.
Lakip niini ang pito ka dairy farmers cooperative, tag- duha ka farmers organization ug sustainable program associations ug irrigators association nga magsuply og bugas, gulay ug gatas alang sa – Cycle 14 supplemental feeding program sa DSWD.
Mipirma og kontrata si DSWD 12 Regional Director Loreto Cabaya Jr. isip chair sa Enhanced Partnership Against Hunger and Poverty o EPAHP.
Sumala kang EPAHP Regional Program Coordinator Ibrahim Sangcupan, nakakuha og supply contracts sa DSWD 12 ang maong grupo pinaagi sa negotiated procurement-community participation o NP-CP.
Pinaagi niini mahatagan og higayon ang mga community-based organization nga moapel sa sa bidding ug business process sa ahensya. I Richel Gubalani
