Pila ka oras sa wala pa matapos ang kagabhion sa adlawng Lunes, Hulyo 29,2024, usa ka HVI ang nasikop sa drug buy bust operation sa Sitio Puso Center, Brgy. Mactan, Lapu-Lapu City.
Ang HVI nga nadakpan alas 09:55 sa gabii giila nga si JERRY JESUS PALLER ESTABELLA a.k.a. “GORYO”, 61–anyos, adunay kaipon ug molupyo sa Sitio Ponce, Brgy Capitol Site, Cebu City.
Aduna usab kiniy 3 ka mga anak nga anaa sa gawas sa nasud.
Sobra usa ka kilo kun 1,530 grams ang gibug aton 17 ka pakete sa gituohang shabu nga nakumpiskar gikan sa maong senior citizen ug mokantidad kini ngadto sa 10,404,000 milyones ka pesos.
Dihang gipangutana, wala matud pa siya nakaila sa nagsugo sanglit gipaagi lang kini sa cellphone.
Ang maong joint operation gipanguluhan ni PLtCol Dindo Alaras, chief CIU sa pakigtambayayong sa PDEA.
Kalapasan sa Comprehensive Dangerous Drugs Act of 2002 ang atubangon sa dinakpan. | Alan Tangcawan
