LEGAZPI CITY – Arestado kan mga personahe nin Legazpi City Police Station sa isinagibong Manhunt Operation an sarong lalaki na may kinakahampang na kasong qualified rape sa Rosal Street, Brgy. Tinago kan nasambit na syudad.
Binisto an akusado na si alyas Jerry, 56 anyos, warang agom asin residente kan Resettlement Site, Brgy. Taysan. Sa report kan pulisya, inarestar an akusado sa kusog kan mandahamiento de aresto para sa nasambitan na kaso na warang piyansa.
Sa ngunyan, nasa kustodiya na ini kan hepatura para sa magkakanigong disposisyon.
