Aduna nay natino ang Siyudad sa Mandaue nga unom ka mga socialized housing sites sa barangay Looc, Opao, Cambaro, Subangdaku, Tipolo, ug Paknaan.
Sa unom ka housing sites, ang sa Barangay Tipolo pa ang natukuran og duha ka midrise buildings nga hapit na mahuman.
Lima ka building ang itukod sa Tipolo Residences, ang tulo niini ka building ang gipasalig nga itukod sa Department of Human Settlements and Urban Development pinaagi sa Pambansang Pabahay Program sa nasudnong kagamhanan. Si Mayor Jonas Cortes nagkanayun nga sila nakipag-alayun kung mahimong aduna pay dugang housing units nga mapatukod sa Mandaue. | Mary Rose Sagarino
