GIPAKUSGAN sa kapulisan sa rehiyon-12 ang kampanya batok online sexual abuse and exploitation of children (OSAEC) ug child abuse.
Kini dungan sa pagkatala sa kaso sa OSAEC sa pipila ka bahin sa Soccskargen region.
Matud ni Police Major Maria Odesa Rendaje, chief sa Women and Children Protection Desk (WCPD) sa PRO-12 usa niini ang pagmonitor sa online alang sa posibleng paghimo sa aktibidad.
Dugang ni Rendaje, kauban nila sa gihimong holistic approach batok OSAEC ang Department of Social Welfare and Development (DSWD). Lakip ang ubang ahensiya sa gobyerno aron moproseso sa imbestigasyon tumong masiguro ang proteksyonan ang mga bata.
Gisiguro usab sa opisyal nga sa bahin sa kapulisan, ang mga kaso sa OSAEC nga maadto kanila ang ginatutukan nila partikular na ang case build up.
Pahimangno ni Rendaje sa mga ginikanan nga pagbantay ang mga aktibidad sa mga anak sa social media. I Richel Gubalani
