Mariing itinanggi ng Pilipinas ang paratang ng China nagdudulot ng “environmental damage” ang pagpwesto ng BRP Sierra Madre sa Ayungin Shoal.
Sinabi ni National Security Council Spokesperson Jonathan Malaya na walang katotohanan ang akusasyon ng mga umano’y “chinese experts” at maituturing umano itong “misdirection.”
Sa katotohanan ayon kay Malaya, ang China pa nga ang nagdudulot ng “irreparable damage” sa mga corals at nakakapaminsala sa kabuhayan ng libo-libong mga Pilipinong mangingisda.
Samantala, sinabi rin ni Malaya na may ebidensya ang Pilipinas sa mga iresponsableng paninira ng corals ng China sa Bajo de Masinloc, Rozul Reef, Escoda Shoal, Sabina Shoal, at Pag-asa Cays 1, 2, at 3.
