Tinatayang nagkakahalaga ng Php 1,660,400.00 ang mga nakumpiskang smuggled cigarettes sa isang paupahan sa Puerto Princesa City nitong sabado ng hapon sa Kalye Alisangco, Purok Kaakbayan, Barangay Tiniguiban.
Nasawata ng mga operatibab mula sa 2nd Special Operations Unit kasama ang iba pang kawani ng batas ang nasa 493 reams ng ilegal na sigarilyo sa isang kwarto ng paupahan sa bisa ng search warrant.
Una nang naiulat na may naabutang lalaki sa area ng mga kontrabando na si Alyas “Bert” na tumanggi na may kinalaman sya sa mga smuggled na sigarilyo.
Samantala, sa ngayon ay patuloy pang pinaghahanap ng mga awtoridad ang nasa likod ng pagpuslit ng mga kontrabando.
