LEGAZPI CITY – Nagpupuon na an Department of Trade and Industry (DTI) Bicol sa surusemanang pag-monitor kan mga presyo nin school supplies katakod kan nararaning burukasan nin klase.
Sa intrevista kan Brigada News FM Legazpi kay DTI Bicol Consumer Protection Division Chief Ruben Sombon, sinabi niya na kaibahan sa mga items na pigmo-monitor an notebooks, pad papers, pencils, ballpens, crayons, erasers, sharpeners asin rulers.
Sinabi niya, mahigot na an saindang pagbabantay mapadapit digdi, asin pinagirumduman niya man an mga establisimento na utubon an ibinabang price guide kan saindang ahensya.
