LEGAZPI CITY – Nagpagirumdom liwat an Department of Education (DepEd) Bicol manungod sa ‘No Collection’ policy sa mga pampublikong eskwelahan sa elementarya asin sekundarya ngunyan na enrollment.
Sinabi ni Roy Bañas, Chief Policy, Planning, and Research Division sa sarong press conference, dai dapat harangon kan sarong eskwelahan an pag-enroll kan mga enrollees huli sa mga babayadan.
Nilinaw kan opisyal, warang babayadan an magurang asin kinakaipohan akuon kan eskwelahan an mga isusumiter na dokumento para sa enrollment.
