Daina E. Gerona
Nagapanghakroy sa kasubo, paso ang babaw nga porsyon sang likod kag abaga ni Vincent Manfred Tropa, matapos nga gintupok sang kalayo ang ila ginakabig nga “ancestral house”, ala 1:05 sang ka-agahon, adlaw sang Huebes, Hulyo 04, sa Serfino Compound, Brgy. 3, Kabankalan.
Natabuan sa amo nga insidente si Vicent Manfred Tropa, isa sa mga apo sa tag-iya sang amo nga puluy-an nga na totally damaged kalakip ang puluy-an ni Agnes Paroja, samtang partially damaged naman ang balay nanday Teresita Guadalupe, Carmela Jane Serfino kag Rickbelt Serfino, kon sa diin, sa pagbulubanta yara sa P 150,000 ang kabug-usan nga kahalitan sang sunog.
Base sa interbyu sang Brigada Kabankalan sa kay SFO1 John Derick Villaruz, Chief Investigation and Intillegence Section sang Bureau of Fire and Protection Kabankalan nga electrical wiring ang ginhalinan sang amo nga sunog, ilabi pa nga pila na katuig ang naglabay kag wala na masikyar kag mailisan ang mga electrical connections sang amo nga puluy-an.
Suno naman sa panalaysayon ni Vincent nga naguba na ang ikaduha nga panalgan sang balay tinalikdan pa nga tuig 2021 tuga sang bagyong odete, kag temporary lamang nila ini nga ginkay-o.
Dugang pa ni Vincent nga na muragmuragan pa siya kag gintingwaan pa sini kuntani hingagaw sa pagsabya sang tubig, apang bangud nga himo sa light materials sang balay apisar nga mga hard wood, madasig ang paglapta kag daku sang kalayo.
