Nanindigan si incoming Education Secretary Senator Sonny Angara na dapat pa ring sundin ang K to 12 program na ipinatupad sa ilalim ng batas.
Ito ang binigyang-diin ni Angara sa gitna ng mga panawagan sa kanya na ibasura na ang naturang programa na nagdadagdag ng 2 taon sa basic education ng bansa.
Sa isang pahayag, sinabi ng senador na obligadong sundin ang K-12.
Aminado raw ito na may ilang mga problema sa implementasyon ng senior high school program, at dapat aniya itong pag-aralan.
Kasabay nito, tiniyak niya ang pagsasaayos sa curriculum ng Grade 11 at Grade 12 upang masiguro ang professional growth ng mga estudyante.
