Itu-turn over sa Auction and Cargo Disposal Division ng Port of Manila ang yate na pinaniniwalaang ginamit sa pagpupuslit sa bansa ng mahigit isang toneladang shabu na nagkakahalaga ng mahigit 9 na bilyong piso.
Isinilbi ng Bureau of Customs ang Warrant of Seizure and Detention sa yate sa Nasugbu, Batangas.
Maliban dito, natuklasan din ng BOC, PNP, at PDEA ang tatlo pang yate na pawang walang dokumento.
Sa imbestigasyon, napag-alaman na ang karagdagang undocumented private yacht ay pag-aari lahat ng iisang indibidwal na hindi pinangalanan.
