Nagapabilin nga yara sa maayo nga kahimtangan ang mga coral nga nahamtang sa Napti Island sa Panay kag Tucad Reef sa banwa sang Pilar sang nakaligad nga bulan sa pagpanguna sang Sentro Para sa Ikauunlad ng Katutubong Agham at Teknolohiya Inc. (SIKAT) Capiz.
Ang apat ka adlaw nga underwater assessment and data analysis magaserbe nga basehan sa pag-establisyar sang community managed marine protected area nga nagatuyo mapadamo ang coral reef kag fish biomass.
Nahibaluan, ang underwater assessment ang ginpondohan pinaagi sa SIKAT Inc., Capiz Provincial Environment and Natural Resources Offices, sa bulig sang DENR PENRO-Capiz, local government units, kag barangay officials.
