WALA pay pasilidad ang General Santos City nga rekisitos sa Department of Health (DOH) nga kabutangan sa Pfizer’s vaccine.
Matud ni Dr. April Mae Maquilang, immunization coordinator sa siyudad nga kasamtangang giplansa sa siyudad ang pagpalit niini. Dungan sa mandu sa DOH- Central Office nga required ang mga LGU’s nga makaangkon og pasilidad isip pagpangandam sa pag-abot sa sa bakuna sa Agosto.
Sa ulahing pamahayag ni Health Undersecretary Maria Rosario Vergeire atong Lunes, gibutyag niini nga usa ang Soccssksargen asa lakip ang GenSan sa wala pay kapasidad sa karon nga mogunit sa Pfizers vaccine.
Ang bakuna ang nag-required og hugot nga storage ug transportation condition nga naa sa -80 hangtud -60 degree Celcuis. Ang Pilipinas ang pimirma og labing dako nga vaccine deal aron masiguro ang 40 million Pfizer doses dungan sa vaccine drive sa nasud. ( Richel Gubalani)
