GIDEPENSA sa labaw sa PNP-Traffic Enforcement Unit (TEU) ang pipila ka reklamo kalabut sa accreditation sa towing service company.
Matud ni Police Major Oliver Pauya, labaw sa TEU wala na-accredit sa local government unit ang ginagamit nilang towing service company.
Apan kini tungod kinahanglan na sa gihimong operasyon sa TEU ANG serbisyo sa maong towing service company.
Dugang sa opisyal, una na siyang mihangyo sa LGU nga mopalit og kaugalingong towing service alang sa maong tumong.
Butyag ni Pauya, dili usab mahal ang bayad sa towing service nga naa sa P1, 500 tandi sa P2, 500 kaniadto.
Una nang, gibutyag ni Amador, traysikel drayber nga nadakpan sa operasyon sa TEU dugang pabug-at kanila ang P1, 500 nga bayronon gawas sa gibayaran nga traffic violation.
Giangkon usab sa opisyal nga nag-apply na ang towing service og accreditation sa LGU. I Richel Gubalani
