Natigayon nga maturn-over sa kustodiya sang Bureau of Jail Management and Penology – Roxas City District Jail sa Barangay San Jose ang siyam tanan ka mga priso gikan sa Roxas Component City Police Station.
Ang mga priso nga ginsaylo sa BJMP amo sanday alyas “Junnel,” nga may kaso nga Child Abuse kag Robbery; alyas “Marvin”, alyas “Deomer”, alyas “Rogello”, alyas “Jolito”, alyas “Jane”, alyas “Jinjin” kag alyas “Ryan” lunsay nagapangatubang sang kaso may kaangtanan sa iligal nga droga kag alyas “Jonel” may kaso sa paghupot sang iligal nga armas-luthang.
Magapabilin ang mga ini sa nasambit nga pasilidad tubtob matapos ang ila pila ka tuig nga sintensya. | Judy Ann Juare
